Սեպտեմբերի 29-ին Արմավիրի մարզի Զարթոնք համայնքում համայնքապետի արտահերթ ընտրություն կանցկացվի։ Որոշումը կառավարությունն ընդունեց այսօրվա հերթական նիստին՝ տարածքային կառավարման և զարգացման նախարար Սուրեն Պապիկյանի առաջարկով։

Կառավարություն ներկայացված որոշման նախագծում ասվում է, որ Զարթոնքի համայնքապետ Պարույր Սարգսյանը ապրիլի 13-ին հրաժարականի դիմում է ներկայացրել։ Արդեն ապրիլի 15-ին Զարթոնք համայնքի ավագանին կազմել է համայնքի ղեկավարի լիազորությունները դադարեցնելու մասին արձանագրություն:

Նշենք, որ Պարույր Սարգսյանը Զարթոնքի համայնքապետ էր ընտրվել 2016 թվականի սեպտեմբերի 18-ին։