HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Կառավարությունը փոխհատուցեց Նկարիչների միության հարկային պարտավորությունները

Կառավարությունը մոտ 18,5 միլիոն դրամ հատկացրեց մշակույթի նախարարությանը, որպեսզի վերջինս տրամադրի «Հայաստանի նկարիչների միություն» ՀԿ-ին՝ ավե­լացված արժեքի հարկի և եկամտային հարկի գծով առաջացած հարկային պար­տա­վո­րու­թ­յու­նները մարելու համար։

Մշակույթի նախարարության հաղորդմամբ՝ հարկային պարտավորություններն առաջացել են ՀԿ-ի նախկին ղեկավարության գործունեության ժամանակահատվածում: Իսկ այդ գումարը հաշվարկվել է Պետական եկամուտների կոմիտեի կատարած ստուգման արդյունքով։

Նախարարությունը կառավարությանը հայտնել է, որ այս պարտավորություններն առաջացել են 2015թ-ի սեպտեմբերից մինչև 2017 թվականի հունվար կազմակերպության վարձակալությամբ տրված տարածքներից ստացված վարձավճարներից։ 2015 թվականի Հարկային օրենսդրությամբ այդ գործարքները համարվել են ԱԱՀ-ի վճարման պարտավորություն կրող գործարքներ, սակայն, ըստ Նկարիչների միության նախկին նախագահի, քանի որ նախորդ տարում չեն գերազանցել 58.3 միլիոն դրամ շրջանառության շեմը, տեղյակ չեն եղել, որ պետք է կատարեին ԱԱՀ վճարներ։

««Հայաստանի նկարիչների միություն» ՀԿ-ն պարտաճանաչ կերպով կատարել և կատարում է ընթացիկ հարկային պարտավորությունները, սակայն կազմակերպության հարկային բեռն օրեցօր մեծանում է, քանի որ վճարված գումարներով մարվում է ԱԱՀ-ի մայր գումարը, իսկ վճարվող եկամտային հարկի գումարների նկատմամբ շարունակվում են հաշվարկվել տույժեր և տուգանքներ: Արդյունքում՝ «Հայաստանի նկարիչների միություն» հասարակական կազմակերպության պարտքը փաստացի ավելանում է»,- կառավարությանը հայտնել է մշակույթի նախարարությունը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։