HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Մոսկվայի ոստիկանությունը ձերբակալել է ի պաշտպանություն ձերբակալված լրագրող Իվան Գոլունովի պիկետ անող լրագրողներին

Մոսկվայի ոստիկանությունն այսօր ձերբակալել է ի պաշտպանություն «Մեդուզա» կայքի ձերբակալված լրագրող Իվան Գոլունովի իրականացվող անհատական պիկետի ակցիայի մասնակից լրագրողներին: Պիկետն իրականացվում էր Ռուսաստանի ներքին գործերի նախարարության շենքի առջեւ: 

«Մեդուզայի» տեղեկատվության համաձայն` ոստիկանները փաստաթղթերի ստուգման պատրվակով նրանց մտցնում են ոստիկանական մեքենա, ապա ձերբակալում: Ձերբակալվածների թվում են Պավել Կանիգինը, Անդրեյ Բորոզկոն, Ալեքսանդր Պոլիվանովը, Ալեքսանդր Գորաբչյովը, Գրիգորի Տումանովը, Վիկտորյա Միկիշան, Իլյա Ազարը, գրող Վիկտոր Շենդերովիչը եւ այլք: 

Իվան Գոլունովին ձերբակալել են հունիսի 6-ին: Նա մեղադրվում է խոշոր չափի թմրանյութեր իրացնելու մեջ: Լրագրողը չի ընդունում մեղադրանքը եւ հայտարարում է, որ թմրանյութը «գցել են» իր պայուսակի մեջ:

Ոստիկանությունում Իվան Գոլունովին թույլ չեն տվել փաստաբան կանչել, ծեծել են եւ արգելել շտապօգնություն հրավիրել: 

Բացի այդ, ոստիկանությունը հրաժարվել է Իվան Գոլունովից կենսաբանական փորձանմուշներ վերցնել, ինչը կապացուցեր, որ նա չի դիպել թմրանյութի:

Գլխավոր լուսանկարում`  «Նովայա գազետա» թերթի լրագրող Իլյա Ազարը` պիկետ անելիս

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։