Նախագահը դեսպաններ է նշանակել
Հանրապետության նախագահ Արմեն Սարգսյանի հրամանագրերով այսօր դեսպաններ են նշանակվել:
Չեխիայի Հանրապետությունում Հայաստանի արտակարգ և լիազոր դեսպան Աշոտ Հովակիմյանը, համատեղության կարգով, նշանակվել է Խորվաթիայի Հանրապետությունում Հայաստանի արտակարգ և լիազոր դեսպան (նստավայրը՝ Պրահա):
Իսկ Արման Կիրակոսյանը հետ է կանչվել է Խորվաթիայի Հանրապետությունում Հայաստանի արտակարգ և լիազոր դեսպանի պաշտոնից:
Չեխիայի Հանրապետությունում Հայաստանի արտակարգ և լիազոր դեսպան Աշոտ Հովակիմյանը, նախագահի մեկ այլ հրամանագրով, համատեղության կարգով, նշանակվել է Սլովենիայի Հանրապետությունում Հայաստանի արտակարգ և լիազոր դեսպան (նստավայրը՝ Պրահա):
Ղազախստանի Հանրապետությունում Հայաստանի արտակարգ և լիազոր դեսպան Գագիկ Ղալաչյանն էլ, համատեղության կարգով, նշանակվել է Ղրղզստանի Հանրապետությունում Հայաստանի արտակարգ և լիազոր դեսպան (նստավայրը՝ Նուր-Սուլթան):
Մեկնաբանել