34 մլն դրամ հատկացում` նախագահի աշխատակազմի բնականոն գործունեությունն ապահովելու նպատակով
Կառավարությունն այսօրվա նիստում որոշեց 34 մլն դրամ հատկացնել նախագահի աշխատակազմին՝ բնականոն գործունեությունն ապահովելու նպատակով։ Գումարը փոխանցվելու է Կառավարության պահուստային ֆոնդից։
Ֆինանսների նախարարության հաղորդմամբ՝ մարտի 1-ից նախագահի աշխատակազմը Մաշտոցի պողոտա 47 հասցեից տեղափոխվել և իր գործունեությունն իրականացնում է Մարշալ Բաղրամյանի պողոտա 26/1 հասցեում, ինչի արդյունքում էներգետիկ, կոմունալ ծառայությունների, ինչպես նաև պարտադիր վճարների գծով ծախսերն ավելացել են՝ պահանջելով լրացուցիչ ֆինանսական միջոցներ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել