Անշարժ գույքի կադաստրի կոմիտեն՝ անշարժ գույքի հարկման բազայի և «գույքահարկի կապի» մասին
ՀՀ անշարժ գույքի կադաստրի կոմիտեն ամփոփ տեղեկանք է պատրաստել անշարժ գույքի հարկման բազայի թեմայով հետաքրքրվողների և հատկապես նրանց համար, ովքեր գրում են, թե «Հայաստանի կառավարությունում օրինագիծ է քննարկվում, որով գույքահարկը կբարձրանա»։
- Նախ արձանագրենք, որ գործող կադաստրային արժեքները չեն արտացոլում ներկայիս անշարժ գուքի շուկայի իրական պատկերը և խիստ տարբերվում են ներկայիս շուկայական արժեքներից։
- «Անշարժ գույքի հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» ՀՀ օրենքի նախագծով ընդամենը սահմանվում է անշարժ գույքի հարկման բազայի ձևավորման համար անհրաժեշտ՝շուկայականին մոտարկված կադաստրային արժեքը, որի վրա կիրառելով նոր սահմանվելիք դրույքաչափերը, կստանանք հարկի չափը։
- Անշարժ գույքի հարկի նոր դրույքաչափերը, նոր չհարկվող շեմի չափը սահմանելու է ՀՀկառավարությունը։ Դրանք դեռևս սահմանված չեն, հետևաբար, այս պահին խոսք չի կարող լինել անշարժ գույքի հարկի էականորեն կամ ոչ էականորեն բարձրացման մասին։Կատարվող խորքային վերլուծություններն արդյունքում դրանք կներկայացվեն հանրությանը։
- Ենթադրվում է, որ սահմանվելիք հարկման մեխանիզմըկապահովի հարկային բեռի արդարացի և հավասարաչափ բաշխում՝ առանց անապահով կամ ցածրարժեք գույք ունեցող հարկ վճարողների հարկային բեռի ավելացման՝ փոխարենը ապահովելով համայնքների բյուջեների լրացուցիչ հարկային մուտքեր բարձրարժեք գույքի հարկումից։
- Այս փոփոխությունների՝ ուժիմեջ մտնելուժամկետ է սահմանված 2021 թվականի հունվարի 1-ը։
ՀՀ անշարժ գույքի կադաստրի կոմիտե
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել