Քոչարյանի դեմ բողոքի ակցիա իրականացնող ցուցարարները փորձեցին փակել Շենգավիթի ոստիկանության դիմացի փողոցը
Վերաքննիչ քրեական դատարանում Ռոբերտ Քոչարյանի խափանման միջոցի գործով նիստի ավարտից րոպեներ առաջ դատարանի դիմաց լարված իրավիճակ է ստեղծվել:
Ըստ ականտեսների՝ Քոչարյանի դեմ բողոքի ակցիա իրականացնող քաղաքացիները փորձել են փակել դատարանի մուտքը, ոստիկանները թույլ չեն տվել, և բախում է առաջացել: Ոստիկանները ցուցարարներից ոմանց տարել են դատարանի հարակից տարածքում գտնվող Շենգավիթի ոստիկանություն: Դրանից հետո Քոչարյանի դեմ բողոքի ակցիա իրականացնող քաղաքացիները շարժվել են դեպի ոստիկանության շենք: Ցուցարարները մի պահ փորձեցին փակել Գարեգին Նժդեհ փողոցը՝ Շենգավիթի ոստիկանության դիմացի հատվածից, սակայն ոստիկանները նրանց արագ հեռացրին փողոցից:
Մանրամասները՝ տեսանյութում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել