Սեպտեմբերի 29-ին Արտաշատում կանցկացվի ավագանու անդամների արտահերթ ընտրություն
Սեպտեմբերի 29-ին Արարատի մարզի Արտաշատ համայնքում կանցկացվի համայնքի ավագանու անդամների արտահերթ ընտրություն: Նման որոշում այսօրվա նիստին կայացրեց կառավարությունը:
Տարածքային կառավարման և ենթակառուցվածքների նախարարության հաղորդմամբ՝ մայիսին համայնքի ավագանու 15 անդամներից 8-ը հրաժարականի դիմում են ներկայացրել:
Քանի որ ավագանու անդամների թվաքանակը նվազել է օրենքով սահմանված թվաքանակի կեսից ավելիի չափով, այդ պատճառով անհնարին է դարձել համայնքի ավագանու նիստերի հետագա անցկացումը։ Արդյունքում՝ մայիսի 7-ին Արտաշատ համայնքի ղեկավարը կազմել է համայնքի ավագանու լիազորությունների վաղաժամկետ դադարեցման վերաբերյալ արձանագրություն, որը ներկայացվել է Տարածքային կառավարման և ենթակառուցվածքների նախարարություն:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել