Ճանապարհների նորոգման համար 3.3 մլրդ դրամ հատկացվեց
Կառավարությունը Տարածքային կառավարման և ենթակառուցվածքների նախարարությանը թույլատրեց բյուջետային հատկացումներում կատարել փոփոխություններ և ճանապարհային 10 օբյեկտների շինարարության մասով ֆինանսական միջոցներ հատկացնել:
Մասնավորապես՝ այդ գումարից նախագծա-նախահաշվային փաստաթղթերի համար կհատկացվի 3.284 միլիարդ դրամ, որից 3.258 միլիարդը՝ շինարարական, հեղինակային և տեխնիկական հսկողության ծառայությունների համար, իսկ մոտ 27 միլիոն դրամը՝ նախագծային աշխատանքների պատվիրման համար:
Նախարարության հաղորդմամբ՝ ընդհանուր առմամբ կհիմնանորոգվի 32.5 կմ ավտոճանապարհ, որից 24 կմ ավտոճանապարհը միջպետական նշանակության է, 3կմ-ը՝ հանրապետական նշանակության, իսկ մոտ 6 կմ-ը՝ մարզային նշանակության:
Նախարարությունը ընդգծել է, որ հաշվի առնելով ժամանակի սղությունը և շինարարական աշխատանքների սեզոնային բնույթը՝ առաջարկվում է շինարարական աշխատանքների համար գնման ձև սահմանել հրատապ բաց մրցույթը, հեղինակային հսկողության ծառայությունների և նախագծային աշխատանքների համար՝ մեկ անձից գնում կատարելու ընթացակարգը:
Մեկնաբանել