HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

ԿԳՄՍ նախարարության թափուր աշխատատեղերը կհրապարակվեն staff.am-ում

Կրթության, գիտության, մշակույթի և սպորտի նախարարությունը  և staff.am պորտալն այսուհետ կհամագործակցեն մարդկային ռեսուրսների հավաքագրման ոլորտում` հաշվի առնելով քաղաքացիների լայն շրջանակների իրազեկվածության անհրաժեշտությունը ոլորտում առկա թափուր աշխատատեղերի վերաբերյալ։ Այս մասին գրված է նախարարության կայքում:

Այդ նպատակով այսօր ԿԳՄՍ նախարարության աշխատակազմի գլխավոր քարտուղարի լիազորություններն իրականացնող Սամվել Մուրադյանն ու staff.am պորտալի ներկայացուցիչ Նազելի  Բադալյանն ստորագրել են համագործակցության հուշագիր, որով նախատեսվում է նախարարությունում և վերջինիս ենթակա մարմիններում առկա թափուր պաշտոնների  հայտարարությունները հրապարակել staff.am հարթակում:

Կարևորելով նախաձեռնությունը` գլխավոր քարտուղարի լիազորությունները կատարող Ս. Մուրադյանը նշել է, որ այս հուշագիրը մեծ քայլ առաջ է մրցունակ և արհեստավարժ մասնագետներին պետական համակարգում ներգրավելու առումով։ Staff.am-ի ներկայացուցիչ  Նազելի Բադալյանն էլ, իր հերթին, ընդգծել է, որ պորտալի նպատակն աշխատաշուկայի զարգացմանը նպաստելն է, և իրենք միշտ բաց են պետության հետ համագործակցության հարցում:

Համագործակցության շրջանակում staff.am ընկերությունը ապահովում է նախարարության տրամադրած թափուր աշխատատեղերի վերաբերյալ հայտարարությունների և մրցույթների պատշաճ տարածումը և հասարակության լայն շրջանակների իրազեկումը` անվճար հիմունքներով:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter