Պահեստազորում հաշվառված քաղաքացիների համար կկայանան վարժական հավաքներ
Կառավարության որոշմամբ հուլիսի 20-ից մինչև սեպտեմբերի 20-ը կկայանա պահեստազորի առաջին խմբի առաջին կարգում հաշվառված շարքային, ենթասպայական և սպայական կազմերի պահեստազորայինների վարժական հավաքներ: Նման նախագիծ գործադիրի այսօրվա նիստին ներկայացրել էր Պաշտպանության նախարարությունը:
Վարժական հավաքները հայտարարվում են պահեստազորում հաշվառված քաղաքացիների` ռազմական ունակությունների կատարելագործման, մասնագիտական վերապատրաստման, մասնագիտական պատրաստման, բարձրագույն կրթություն ունեցող ենթասպայական կազմից պահեստազորի սպաների պատրաստման նպատակով:
Նախարարության հաղորդմամբ՝ վարժական հավաքներին ներգրավվել են ընդհանուր 451 քաղաքացիների, որոնցից 375–ը` շարքային կազմի, 20-ը` ենթասպայական կազմի, 56-ը` սպայական կազմի պահեստազորայիններ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել