Տավուշի մարզի Բերդավան, Պառավաքար, Ներքին Կարմիրաղբյուր, Կոթի, Ազատամուտ, Չինարի, Մովսես, Չորաթան, Սարիգյուղ, Ոսկեվան համայնքներում տեղակայված Արտակարգ իրավիճակների նախարարության քաղաքացիական պաշտպանության հրշեջ փրկարարական հենակետերը կգազիֆիկացվեն: Այս նպատակով Կառավարությունը նախարարությանը հատկացրեց մոտ 188 միլիոն դրամ:

Գումարի շրջանակներում կբարեկարգվի նաև «Ռուս-հայկական մարդասիրական արձագանքման կենտրոն» միջկառավարական ոչ առևտրային կազմակերպության տարածքը: Նշենք, որ այս կենտրոնը ստեղծվել է «Հայաստանի Հանրապետության կառավարության և Ռուսաստանի Դաշնության կառավարության միջև 2015 թ.-ին համաձայնագրով: Կենտրոնը ստեղծվել է կողմ հանդիսացող պետությունների մասնային սկզբնական վճարումների հիման վրա և այնտեղ նախատեսվող աշխատանքները հանդիսանում են հայկական կողմի ստանձնած պարտավորություններից: