Իրկուտսկում ջրհեղեղ է․ կան զոհեր
Ռուսաստանի Իրկուտսկում արտակարգ իրավիճակ է․ երկրամասում արդեն մի քանի օր է ջրհեղեղ է, և ջրի մակարդակը ժամ առ ժամ բարձրանում է։ Դեռևս հունիսի 28-ին հայտնի էր դարձել, որ 20 բնակելի գոտիներում ջրի տակ են անցել 2,39 հազար բնակելի տներ՝ շուրջ 6 հազար բնակիչներով։ Հետագայում բնակելի գոտիների թիվը հասավ 31-ի, իսկ բնակելի տարածքներինը՝ 4000-ի, որոշ շինություննել են ամբողջությամբ քանդվել են։
Թեև կատարվում են մարդկանց տարհանման աշխատանքներ, սակայն կան զոհեր և տուժածներ։ Այս պահին հայտնի է, որ ջրհեղեղից մահացել է 3 հոգի, այդ թվում՝ մեկ երեխա, տուժել՝ 351 մարդ, ևս 97 հոգի հոսպիտալացվել է։
Մարդիկ մեկ օրից ավելի նստել և սպասել են տանիքներին՝ առանց սնունդի, ջրի և էլեկտրաէնէրգիայի։ Ամենածանր իրավիճակը, ըստ Вести.Ru-ի Տուլուն քաղաքում է։ Այժմ Ռուսաստանի արտակարգ իրավիճակների նախարարությունն աշխատում է խիստ ռեժիմով։
Ջրի տակ է հայտնվել նաև պետական նշանակության Р-255 «Սիբիր» ավտոմայրուղին, ինչպես նաև ևս 6 կմ ճանապարհ։
Ճանապարհի որոշ հատվածներում ջրի բարձրությունը հասնում է մինչև 3 մ։ Տեղական պետական մարմինների գնահատականով՝ այս վտանգավոր իրավիճակը Իրկուտսկում կպահպանվի մինչև եկող շաբաթ
Վարչապետ Դմիտրի Մեդվեդևն արդեն ստորագրել է որոշում, որով պետությունն ուղղելու է 662 մլն ռուբլի՝ ջրհեղեղի տուժածներին օգնելու համար
Երեկ երեկոյան Ռուսաստանի ԱԻՆ-ից հայտնել են, որ ջրի մակարդակը 5 սմ-ով իջել է։
Այժմ օգնության կարիք ունեն ավելի քանի 10000 բնակիչ։
գլխավոր լուսանկարը՝ РИА «Новости»
Մեկնաբանել