Կառավարությունը 552 միլիոն դրամ հատկացրեց նախնական մասնագիտական (արհեստա­գործական) և միջին մասնագիտական կրթություն իրականացնող ուսումնական հաստատությունների անվճար տեղերի համար։

Կրթության, գիտության, մշակույթի և սպորտի նախարարության հաղորդմամբ՝ նախատեսվել էր նախնական մասնագիտական (արհես­տագործական) կրթական ծրագրով 3400 ընդունելության անվճար տեղ, իսկ միջին մասնագիտական կրթական ծրագրով՝ 6400 ընդունելության անվճար տեղ: Նկատի ունենալով ընդունելության անվճար տեղերի ավելացումը՝ ավելացել է նաև այս ծրագրերի համար հատկացվող ֆինանսական միջոցների ծավալը։ Նախարարության հաշվարկներով՝ այդ քանակի անվճար տեղերի ապահովման համար անհրաժեշտ է 552 միլիոն դրամ, որը Կառավարությունն այսօր տրամադրեց։ 

Լուսանկարում Երևանի №6 արհեստագործական ուսումնարանի ուսանողներն են