Վերաքննիչ քրեական դատարանը՝ նախագահությամբ դատավոր Տիգրան Սահակյանի, քիչ առաջ մերժեց «Մարտի մեկի» գործով քննչական խմբի նախկին ղեկավար, նույն գործով մեղադրյալ Վահագն Հարությունյանի նկատմամբ հետախուզում հայտարարելու որոշման դեմ նրա պաշտպանի բողոքը:

Վահագն Հարությունյանը, հիշեցնենք, մեղադրվում է 2008 թվականի մարտի 1-ի գործի շրջանակներում ապացույց կեղծելու, պաշտոնեական լիազորությունները չարաշահելու մեջ, որն անզգուշությամբ առաջացրել է ծանր հետևանքներ, ինչպես նաև պաշտոնեական լիազորություններն անցնելու մեջ, որը զուգորդվել է բռնությամբ:

Վերջին երկու դրվագներով Հարությունյանը մեղադրյալ է ներգրավվել 2018 թվականի դեկտեմբերին, մինչ այդ՝ ապացույց կեղծելու մեղադրանքի շրջանակներում նրա նկատմամբ հետախուզում է հայտարարվել, որը պաշտպանն անօրինական է համարում:

Ըստ Պողոսյանի՝ Հատուկ քննչական ծառայությունը Հարությունյանի նկատմամբ հետախուզում հայտարարելու արհեստական հիմքեր է ստեղծել: