HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Գրիշա Բալասանյան

Պաշտոնյան չի հայտարարագրել նույնիսկ իր աշխատավարձը

Ջհան Հովհաննիսյանը 2018թ. մայիսին նշանակվել էր ՊԵԿ օպերատիվ հետախուզության վարչության պետի տեղակալ: 2018թ. տարեկան հայտարարագիրը ներկայացրել է միայն երեկ՝ բարձրաստիճան պաշտոնատար անձանց էթիկայի հանձնաժողովի կողմից «նախազգուշացում» վարչական տույժ կիրառելուց հետո:

Նշենք, որ Ջհան Հովհաննիսյանը ներկայում զբաղեցնում է բարձր տեխնոլոգիական արդյունաբերության նախարարի խորհրդականի պաշտոնը: Նախարար Հակոբ Արշակյանը համապատասխան նշանակումն արել է հունիսի 10-ին:

Ուսումնասիրելով Ջհան Հովհաննիսյանի գույքի ու եկամուտների 2018թ. տարեկան հայտարարագիրը, պարզեցինք, որ պաշտոնյան 38 մլն 560 հազար դրամով նշված տարում ձեռք է բերել «TOYOTA LAND CRUISER PRADO 3.4» մակնիշի ավտոմեքենա: Ուշագրավ է, որ պաշտոնյան 2018-ին հայտարարագրել է 0 դրամ եկամուտ, իսկ հաշվին դրամական միջոցներ չեն եղել: Ստացվում է, որ Ջ. Հովհաննիսյանը նույնիսկ աշխատավարձ չի ստացել:

Ջհան Հովհաննիսյանը եկամուտ չի հայտարարագրել նաև 2017թ. տարեկան հայտարարագրում: Այդ ժամանակ զբաղեցրել է ՊԵԿ օպերատիվ հետախուզության վարչության 6-րդ բաժնի պետի պաշտոնը: Ինչ վերաբերում է դրամական միջոցներին, ունեցել է 5 միլիոն դրամ:

Այս պարագայում անհասկանալի է, թե ինչ միջոցներով է պաշտոնյան 38 մլն 560 հազար դրամով գնել ավտոմեքենա, երբ գումար չի ունեցել: Ամեն դեպքում, այդչափ գումար չի հայտարարագրել:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։