![](/static/articles/10/56/l-zyd6xILSta.jpg)
Ես չեմ ուզում ձեր ոսկու փոշին ոսկեզօծի Ոսկեվազի իմ խաղողները
Արարատի եւ Երեւանի երիտասարդները կազմակերպելու են ռոք համերգ եւ էկոլոգիական հեծանվարշավ «դեպի մաքուր Արարատ»:
Բնապահպան-ակտիվիստ Մարիամ Սուխուդյանը «Հետքի» հետ զրույցում ասաց, որ վերջերս Արարատ քաղաքի Օրհուս կենտրոնում երիտասարդների հետ հանդիպման էին գնացել եւ այնտեղ էլ տեղեկացել են, որ ռոք համերգ է կազմակերպվելու:
«էկոլոգիական մտածելակերպով բավականին շատ երիտասարդներ կային, մտածեցինք, որ պետք է անպայման միանալ նրանց հեծանիվներով եւ, իհարկե, տալ այս ամենին էկոլոգիական մթնոլորտ, քանի որ Արարատ քաղաքի վիճակը բավականին ծանր է»,-ասում է Մարիամ Սուխուդյանը:
Ըստ նրա՝ անզեն աչքով էլ երևում է քաղաքի փոշին, ցեմենտի անֆիլտր գործարանը: Օրհուս կենտրոնում երիտասարդները պատմել են իրենց մարզում առկա բազմաթիվ հիվանությունների մասին, Մտահոգիչ են համարել հատկապես' թոքերի, շնչուղիների, ինչպես նաև քաղցկեղի հիվանդությունների աճը: Երիտասարդնեը մարզում գլուխ բարձրացրած հիվանդությունների աճը կապել են պոչամբարի եւ ցեմենտի գործարանի հետ:
Երիտասարդները միջոցառման համար ընտրել են հետեւյալ կարգախոսները.
Ես չեմ ուզում թոքերս հանդիսանան բնական ֆիլտ Ցեմենտի գործարանի արտանետումները զտելու համար
Ես ուզում եմ ապրել առողջ ու անվտանգ ու դա իմ իրավունքն է
Ես ուզում եմ ուղղել իմ ողնաշարը, կռացած միայն ընդերքն են տեսնում, գարշելի է
Իմ ապրելու իրավունքն ավելին է քան ձեր մասնավոր շահը
Ես չեմ ուզում ձեր ոսկու փոշին ոսկեզօծի Ոսկեվազի իմ խաղողները
Ես այլևս չեմ վախենում կորցնել աշխատանքս, առավել ԹԱՆԿ իմ երեխաների առողջությունն է
Ակցիան տեղի կունենա կիրակի օրը: Երիտասարդները Երևանից դուրս կգան առավոտյան 10:00-ին հեծանիվների ՀՎԶ արհեստանոցից (Լենինգրադյան 31) եւ նախատեսում են ժամը 15:00-ին լինել Արարատ քաղաքում, որտեղ այդ ժամին սկսվելու է ռոք փառատոնը (մուտքն ազատ է):
Հեծանվարշավի երթուղին հետևյալն է՝
Երևան - Այնթափ - Մասիս - Արտաշատ - Արարատ - Երևան
Կերգեն հետևայլ Ռոք խմբերը
The Revolution - Alternative Rock
Uknown Artist - Alternative Rock
Crimesterdam - Indie Rock
Coma - Alternative Doom Metal
Favorite - Brit-Pop
Մեկնաբանել