Կառավարության պահուստային ֆոնդից 54,5 միլիոն դրամ կհատկացվի Կրթության, գիտության, մշակույթի և սպորտի նախարարությանը՝  Հայաստանի երիտասարդական հիմնադրամի լուծարման և այլ ծախսերն ապահովելու նպատակով։

Նախարարությունը կառավարությանը հայտնել է, որ հիմնադրամը լուծարվելու է սեպտեմբերի 1-ին։ Համաձայն լուծարման նախահաշվի՝ այդ գումարը հատկացվելու է 40 աշխատակիցների 6 ամսվա աշխատավարձերին, արձակման նպաստներին, կուտակված գույքահարկի վճարմանը, վարձավճարների, կոմունալ մուծումների և պահպանման այլ ծախսերի համար։