HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

ԲԴԽ նորընտիր նախագահ Ռուբեն Վարդազարյանը՝ վեթինգի, Դավիթ Գրիգորյանի աշխատասենյակի խուզարկության մասին

Բարձրագույն դատական խորհրդի նախագահի ընտրության ժամանակ Ռուբեն Վարդազարյանը գաղտնի քվեարկությամբ ստացել է 8 կողմ ձայն: Նրան դեմ է քվեարկել ԲԴԽ-ի միայն մեկ անդամ: Այս մասին խորհրդի շենքի դիմաց հավաքված լրագրողներին ասաց Վարդազարյանը, որը, հիշեցնենք, այսօր ընտրվել է ԲԴԽ նախագահ:

Վարդազարյանն ասաց, որ այլևս չի կարող լինել Երևան քաղաքի ընդհանուր իրավասության դատարանի նախագահը, քանի որ ԲԴԽ նախագահ ընտրվելու դեպքում կասեցվում են դատավորի իր լիազորությունները:

Անդրադառնալով դատավորների վեթինգին՝ Վարդազարյանը նշեց, որ գուցե գործընթացը, որը կիրականացվի, վեթինգ անունը չստանա, բայց լինելու է մի գործընթաց, որի ընթացքում դատավորներն ավելի պարզ կլինեն, ավելի մատչելի կդառնա նրանց գործունեությունն ու եկամուտների և գույքի հայտարարագրումը:

Վարչապետ Նիկոլ Փաշինյանի՝ դատավորների հրաժարականի վերաբերյալ հայտարարությունից հետո Վարդազարյանը միակ դատավորն է եղել, որ ասել է, թե պատրաստ է հրաժարական տալ: Թեև, ի վերջո, նա հրաժարական չտվեց, լիազորությունները կկասեցվեն օրենքի ուժով:

Հարցին՝ դատավորի պաշտոնից հրաժարական տալու պատրաստակամություն հայտնելիս Վարդազարյանը հեռահար նպատակներ ունե՞ր ԲԴԽ նախագահի պաշտոնին հավակնելու, վերջինս պատասխանեց. «Ես պայծառատես չեմ, ես նույնիսկ Դատավորների ընդհանուր ժողովի օրը վստահ չէի` ինձ քվե կտան, թե՝ ոչ»:

Հարցին՝ դատավոր Դավիթ Գրիգորյանի աշխատասենյակի խուզարկությունը համարո՞ւմ եք դատավորի անկախությունը խոչընդոտելու փորձ, Վարդազարյանը պատասխանեց, թե Դավիթ Գրիգորյանը կներկայնա ԲԴԽ, որից հետո ինքը դիրքորոշում կհայտնի:

Մանրամասները՝ տեսանյութում:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։