Վերաքննիչ քրեական դատարանում քիչ անց կմեկնարկի Հայաստանի երկրորդ նախագահ Ռոբերտ Քոչարյանի գույքի վրա կալանք դնելու գործով դատախազության բողոքի քննությունը: Հիշեցնենք, որ նախորդ դատական նիստը հետաձգվել էր, քանի որ դատախազության ներկայացուցիչ, դատախազ Վահե Դոլմազյանը ներկա չէր։ Վերջինս դատարանին հայտնել էր, որ նախապես նշանակված մեկ այլ դատական նիստ ունի:

Առաջին ատյանի դատարանի դատավոր Աննա Դանիբեկյանը, քննելով Ռոբերտ Քոչարյանի գույքի վրա կալանք դնելու որոշման դեմ նրանց պաշտպանների բողոքը, գտել է, որ Հատուկ քննչական ծառայության այդ որոշմամբ խախտվել են Քոչարյանի իրավունքները:

Դատախազությունը, սակայն, համարում է, որ գույքի վրա կալանք դնելու օրինական հիմքեր են եղել, ուստի բողոքարկել է Դանիբեկյանի որոշումը:

Ռոբերտ Քոչարյանը մեղադրվում է 2008 թվականին սահմանադրական կարգը տապալելու և առանձնապես խոշոր չափով կաշառք ստանալու մեջ: