Կառավարությունն այսօրվա նիստին որոշեց 65 միլիոն դրամ հատկացնել Տարածքային կառավարման և ենթակառուցվածքների նախարարությանը՝ ջրային համակարգերի բարեփոխման նպատակով։ Գումարը կհատկացվի Կառավարության պահուստային ֆոնդից։

Այդ գումարից 45 միլիոն դրամը կտրամադրվի ոռոգման համակարգը շուրջ 2041 ջրաչափական սարքավորումներով կահավորելու աշխատանքների համար, իսկ մոտ 20 միլիոն դրամը՝ Լոռու մարզի Սպիտակ համայնքի Քըրք Քըրքորյան և Այգեստան 2 թաղամասերի կոյուղագծերի կառուցումն ավարտելու նպատակով։