Այսօր առավոտյան Հայաստանի պետական սահմանի հյուսիսարևելյան հատվածում` Տավուշի մարզում, հակառակորդի կողմից հրադադարի խախտման հետևանքով հրազենային վիրավորում է ստացել մարտական հերթապահություն իրականացնող ՀՀ ԶՈՒ պայմանագրային զինծառայող:

Զինծառայողի կյանքին վտանգ չի սպառնում։ Նրա վիճակը միջին ծանրության է։

Այս մասին «Հետք»-ի հետ զրույցում ասաց ՊՆ մամուլի քարտուղար Արծրուն Հովհաննիսյանը։

Հովհաննիսյանի խոսքով՝ սահմանային իրավիճակն այս պահին հանգիստ է։

ՊՆ հաղորդագրության համաձայն՝ սահմանային իրավիճակի լարման ամբողջ պատասխանատվությունը կրում է ադրբեջանական կողմը: