Տարածքային կառավարման և ենթակառուցվածքների նախարարությունը տեղեկացնում է, որ ավարտվել են Մ4 Երևան-Սևան-Իջևան-հայ-ադրբեջանական սահման 3,066 կմ (կմ 64+174- կմ 67+240) հատվածի միջին նորոգման աշխատանքները:

Աշխատանքների սկզբնական փուլում կատարվել են ճանապարհահատվածի հին շերտի ֆրեզավորման, փոսային նորոգման, հարթեցնող շերտի տեղադրման, նոր ասֆալտբետոնե ծածկի և գծանշման աշխատանքներ:

Աշխատանքների իրականացման ընթացքում առաջացած անհարմարությունների համար հայցում ենք վարորդների ներողամտությունը և հորդորում ենք պահպանել երթևեկության կանոնները: