Վերաքննիչ քրեական դատարանը նախագահությամբ դատավոր Ռուբիկ Մխիթարյանի, մասնակի բեկանել է «Կայարանցի Թևոսիկ»  անունով հայտնի Թևոս Սաֆարյանի եղբոր՝ Արթուր Սաֆարյանի և Մովսես Ներսիսյանի սպանության, ինչպես նաև ապօրինի զենք կրելու մեջ մեղադրվող Իսրայել Սարգսյանի դատավճիռը, որով Սարգսյանը դատապարտվել էր 25 տարի ժամկետով ազատազրկման:

Մասնավորապես, Սարգսյանի նկատմամբ ապօրինի զենք կրելու հոդվածով քրեական հետապնդումը դադարեցվել է` քրեական պատասխանատվության ենթարկելու վաղեմության ժամկետն անցած լինելու հիմքով: Նա սպանությունների հոդվածով մեղավոր է ճանաչվել ու դատապարտվել 19 տարի ժամկետով ազատազրկման:

Դատավճիռը, թեև հրապարակվել է շուրջ 3 ամիս առաջ՝ այն «Դատալեքս» դատական-տեղեկատվական համակարգում տեղադրվել է հուլիսի 23-ին: