![](/static/articles/10/60/84/l-E5vroJbsap.jpg)
Արարատի մարզպետին հատկացվում է 400 լիտր բենզին, որից 60 լիտրը՝ տնից աշխատավայր երթևեկելու համար
Արարատի մարզպետարանի ծառայողական ավտոմեքենաներից օգտվում են մարզպետ Գարիկ Սարգսյանը և գլխավոր քարտուղար Լիլիթ Միրզախանյանը: Մարզպետի ծառայողական ավտոմեքենան «TOYOTA» մակնիշի է, իսկ գլխավոր քարտուղարինը՝ «ВАЗ 2106»: Նշենք, որ մարզպետարանում գլխավոր քարտուղարի պաշտոնը մինչև հուլիսի 10-ը թափուր է եղել:
Գարիկ Սարգսյանի ծառայողական ավտոմեքենայի համար ամսական հատկացվում է 400 լիտր բենզին, որից՝ 60 լիտրը տնից աշխատավայր և հակառակ ուղղությամբ երթևեկելու համար:
«Մարզպետ Գարիկ Սարգսյանին՝ ծառայողական պարտականությունների կատարման համար ամսական հատկացվում է վառելիք, որը օգտագործվում է նաև տնից աշխատավայր և հակառակ ուղղությամբ երթևեկելու համար»,- «Հետք»-ին հայտնում են Արարատի մարզպետարանից:
Մարզպետարանի 8 աշխատակիցներ մարզի բնակիչներ չեն: Վերջիններիս տնից աշխատավայր և հակառակ ուղղությամբ փոխադրումը կատարվում է անձնական միջոցներով՝ առանց փոխհատուցումների:
Մեկնաբանել