Երևանի ավագանին այսօր միաձայն կողմ քվեարկությամբ հաստատել է Աբովյան պուրակին հարակից հատվածում «Սամարտ» ՍՊԸ-ին սեփականության իրավունքով պատկանող հողամասից Երևան համայնքի սեփականություն հանդիսացող հարակից համարժեք հողամասի հետ փոխանակելու նախագիծը:

Տեղում՝ Աբովյան հրապարակին հարող զբոսայգու հարակից տարածքում, նախատեսվում է կառուցել «Հրանտ Մաթևոսյան» մշակութային կենտրոն։

Քաղաքապետ Տարոն Մարգարյանի խոսքերով՝ կենտրոնը կառուցելու որոշումը կայացվել է բազմաթիվ հասարակական քննարկումների արդյունքում:

Քաղաքապետն ընդգծել է, որ մշակութային կենտրոնի կառուցումը չի ընդգրկում պուրակի կանաչ և ընդհանուր օգտագործման գոտիները:

«Մայրաքաղաքում այսօր սկսվել և ընթանում է ծառերի համարակալման և կանաչ գոտիների գույքագրման գործընթաց, ինչից ելնելով՝ նաև թանգարան-մշակութային կենտրոնի հարակից տարածքում գտնվող բոլոր ծառերը ևս կգույքագրվեն»,- նշել է Տարոն Մարգարյանը:

Լուս.՝ Սամվել Սևադայի