«Ժողովրդական երաժշտության ազգային կենտրոն»-ը միացավ «Հայաստանի պետական ֆիլհարմոնիա»-ին
«Ժողովրդական երաժշտության ազգային կենտրոն» ՊՈԱԿ-ը միացավ «Հայաստանի պետական ֆիլհարմոնիա»-յին: Նման որոշում այսօրվա նիստին կայացրեց կառավարությունը։ Նշենք, որ այն գործում էր կրթության, գիտության, մշակույթի և սպորտի նախարարության ենթակայության ներքո։
«Հայաստանի պետական ֆիլհարմոնիա» ՊՈԱԿ-ը դարձավ «Ժողովրդական երաժշտության ազգային կենտրոն»-ի իրավահաջորդը։
«Միացմամբ այս երեք անսամբլները կունենան Երևանի կենտրոնում մշտական հասցե, փորձատեղ և համերգային դահլիճ, ինչը ևս առավել արդյունավետ կդարձնի նրանց աշխատանքը: Այս պարագայում ֆիլհարմոնիան կունենա համերգներ կազմակերպելու և' իր դահլիճում, և' մարզերում, լրացուցիչ ստեղծագործական և ֆինանսական ռեսուրսներ»,-հայտնել է նախարարությունը։
Նախարարության հաղորդմամբ՝ «Ժողովրդական երաժշտության ազգային կենտրոնում» ընդգրկված է երեք անսամբլ /«Հայաստանի ազգային նվագարաններ», Գուսանական և «Ակունք» համույթները/, որոնց գործառույթները նման են ֆիլհարմոնիայի գործառույթներին: Այդ իսկ պատճառով, նախարարությունը ակնկալում է միացմամբ ուժեղացնել, ավելի արդյունավետ է դարձնել այդ կազմակերպությունների աշխատանքները։
Գլխավոր լուսանկարում՝ «Հայաստանի պետական ֆիլհարմոնիա»-ն է
Մեկնաբանել