Տեսանյութեր
Լուսանկարներ
Հակատուբերկուլյոզային դեղերի ձեռքբերման նպատակով 33,5 միլիոն դրամ հատկացվեց
Կառավարությունը որոշեց 33,5 միլիոն դրամ հատկացնել «Տուբերկուլոզի դեմ պայքարի ազգային կենտրոն» ՊՈԱԿ-ին՝ հակատուբերկուլյոզային դեղերի ձեռքբերման նպատակով։
Առողջապահության նախարարությունը հայտնել է, որ այդ դեղերը ՊՈԱԿ-ը ձեռք է բերելու միջազգային գնումների գործակալից։
Հակատուբերկուլյոզային դեղերի ձեռքբերման նպատակով՝ ՊՈԱԿ-ը միջազգային գնումների գործակալներին առաջարկել է ներկայացնել գնային առաջարկներ, սակայն միայն մեկից է ստացել գնային առաջարկներ:
Միջազգային գործակալից դեղերը գնելու մատակարարման համար հիմք են ընդունվել նաև մասքավճարները, բրոքերային (մաքսային ձևակերպման) վճարները, ինչպես նաև՝ տեղափոխման և պահպանման ծախսերը:
Ծախսերը հաշվարկվել են առավելագույն գներով, այդ իսկ պատճառով կատարվելիք փաստացի վճարումներից տնտեսված գումարները ՊՈԱԿ-ը պարտավորվել է վերադարձնել պետական բյուջե:
Մեկնաբանել