Մարզահամերգային համալիրի տարածքում կտեղադրվի Կարեն Դեմիրճյանի արձանը։

Արձանի նախագծային աշխատանքների իրականացման նպատակով տարածքային կառավարման և ենթակառուցվածքների նախարարությանը կառավարության պահուստային ֆոնդից տրամադրվեց 3,2 միլիոն դրամ։ Նման որոշում կառավարությունը կայացրեց այսօրվա նիստին։

Տարածքային կառավարման և ենթակառուցվածքների նախարար Սուրեն Պապիկյանը կառավարության անդամներին հայտնեց, որ Կարեն Դեմիրճյանի արձանը համալիրի տարածքում տեղադրելու առաջարկը եղել է Դեմիրճյանի ընտանիքի կողմից։ Նախարարը նաև հաղորդեց, որ արձանը քանդակելու համար անհրաժեշտ է լինելու 54,2 միլիոն դրամ։

Վարչապետ Նիկոլ Փաշիյանը հայտենց, որ արձանը նախնական նախատեսված էր տեղադրել Մաշտոցի պուրակում, սակայն այդ տարբերակը այդքան էլ ընդունելի չի եղել։