3.3 մլրդ դրամ՝ Արգավանդ-Շիրակ ճանապարհահատվածի կառուցմանը
Կառավարությունը այսօվա նիստին որոշեց 3.3 մլրդ դրամ հատկացնել Արգավանդ-Շիրակ ճանապարհահատվածի կառուցման շինարարական աշխատանքների համար։ Նշենք, որ ծրագիրը իրականացվում է Ասիական զարգացման բանկի աջակցությամբ։
Ճանապարհահատվածի կառուցման շինարարական աշխատանքների իրականացման նպատակով «Levantina Ingenieria Y Construccion S.L» կազմակերպության հետ հուլիսի 16-ին կնքվել է պայմանագիր, որով նախատեսված է տրամադրել կանխավճար մոտ 2.5 մլրդ դրամի չափով, ինչպես նաև այս տարի նախատեսվում է կատարել վճարումներ շինարարական աշխատանքների համար մոտ 2 մլրդ դրամի չափով։
Սակայն 2019 թվականի բյուջետային տարվա կտրվածքով կապիտալ ծախսերի համար հաստատված վարկային միջոցները բավարար չեն այս վճարային պարտավորությունները կատարելու համար։
Նախարարությունն ընդգծել է, որ Արգավանդ-Շիրակ ճանապարհահատվածի կառուցման համար ֆինանսական միջոցները նախատեսվել են դեռևս 2019 թվականի բյուջետային հայտով, սակայն հաստատման դրանք փուլում նվազել են։ Այդ իսկ պատճառով նախարարությունը կառավարությանն առաջարկել էր փոփոխություն կատարել պետական բյուջեում և իրենց 3,3 միլիարդ դրամ հատկացնել։
Մեկնաբանել