HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տաթև Խաչատրյան

Կակաո հումքի ներկրման զրոյական մաքսատուրքի ժամկետը երկարացվել է մինչև 2023թ.

Եվրասիական տնտեսական միության տարածք ներկրվող կակաոյի հումքից ստացվող մի շարք ապրանքատեսակների զրոյական մաքսային տուրքի ժամկետը երկարացվել է։ Այս մասին նշված է Եվրասիական տնտեսական հանձնաժողովի պաշտոնական կայքում:

Զրոյական մաքսատուրքը տարածվում է կակաո կրեմի, կակաո յուղի և կակաո մածուկի վրա և կպահպանվի մինչև 2022թ դեկտեմբերի 31-ը:

Այս երեք ապրանքները «միջանկյալ» ապրանքներ են, քանի որ ստացվում են կակաոյի հատիկների մշակումից և օգտագործվում են շոկոլադ պատրաստելու համար:

Հայաստանից կակաո հումք գրեթե չի արտահանվում. 2013-2019թթ. հունիսն ընկած ժամանակահատվածում արտահանվել է ընդամենը՝ 15,7 տոննա կակաո հումք՝ 28 670 ԱՄՆ դոլար արժողությամբ:

Փոխարենը Հայաստանը կակաո հումք է ներկրում։

Կակաո հումք
Infogram

2013-2019թթ․ առաջին կիսամյակում Հայաստանը ներկրել է 10 762 տոննա կակաո հումք՝ 30,7 մլն ԱՄՆ դոլար ընդհանուր արժողությամբ։

Նշենք, որ Հայաստանում կա նաև կակաոյի վերամշակման գործարան: ԵԱՏՄ տարածքում նման գործարան չունի միայն Ղրղզստանը:

Ըստ ԵՏՀ տվյալների՝ ԵԱՏՄ շուկայում կակաոյի պակասը կազմում է տարեկան 73 հազար տոննա: Մաքսային տուրքի զրոյացումը, ըստ որոշման, կօգնի լրացնել Միության տարածքում եղած կակաոյի վերամշակման պակասը, բացի այդ, կնպաստի տարբեր երկրների ատադրողների միջև մրցունակության բարձրացմանը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter