Վերջին երեք տարիներին 6 անգամ աճել է օտարերկրյա մեծահարուստների թիվը, որոնք Մեծ Բրիտանիայում կատարած առնվազն մեկ միլիոն ֆունտ ստեռլինգ ներդրումների դիմաց մշտական կացոթյան վիզաներ ու քաղաքացիություն են ստացել: 

Բրիտանական «The Telegraph»-ի փոխանցմամբ՝ 208 թ.-ից 320 միլիոնատեր է ժամանել Մեծ Բրիտանիա: Նշված թվով մեծահարուստների մոտ 30 տոկոսը, ըստ պարբերականի, կազմում են Հայաստանի, Ադրբեջանի, Ուկրաինայի եւ Ղազախստանի քաղաքացիներ: Առնվազն մեկ միլիոն ֆունտ ստեռլինգ ներդրում կատարած անձինք 5 տարի այդ երկրում բնակվելու իրավունք են ստանում, իսկ 2 տարի անց էլ՝ քաղաքացիություն: Իսկ 10 միլիոն ֆունտ ստեռլինգի ներդրում կատարածները քաղաքացիություն են ստանում երկու տարի անց: