20-ամյա երիտասարդը համացանցի միջոցով թմրանյութ է ձեռք բերել և բռնվել. ոստիկանություն
Քրեական հետախույզները, օպերատիվ տվյալներն իրացնելով, օգոստոսի 11-ին՝ ժամը 3-ի սահմաններում, Երևանի Բայրոնի փողոցից, թմրանյութ պահելու և օգտագործելու կասկածանքով, ոստիկանության Կենտրոնական բաժին բերման ենթարկեցին Պուշկինի փողոցի բնակիչ, 20-ամյա մի երիտասարդի:
Ինչպես ասվում է ոստիկանության լրատվական ծառայության տարածած հաղորդագրությունում, նրա անձնական խուզարկությամբ հայտնաբերվեց սպիտակ բյուրեղանման զանգվածով պոլիէթիլենային փաթեթ: Ըստ երիտասարդի` հայտնաբերվածը «Կրիստալ» տեսակի թմրանյութ է, որը ձեռք է բերել համացանցի միջոցով:
Նշանակվել է փորձաքննություն: Նախաքննությունը շարունակվում է:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել