Հայաստանում ուժային կառույցների և պետական բոլոր գերատեսչությունների մասնակցությամբ ռազմավարական զորավարժություն կանցկացվի
Համաձայն ՀՀայաստանի զինված ուժերի 2019թ. պատրաստության պլանի՝ սեպտեմբերի 24-ից հոկտեմբերի 5-ն անցկացվելու է ռազմավարական զորավարժություն, որին բացի ուժային կառույցներից, մասնակցելու են նաև Հայաստանի բոլոր պետական գերատեսչությունները: Այս մասին հաղորդում է պաշտպանության նախարարությունը:
Համաձայն զորավարժության սցենարի՝ խաղարկվելու է հավանական հակառակորդի՝ Հայաստանի Հանրապետության նկատմամբ սանձազերծած ագրեսիայի դեպքում զինված ուժերի և պետական կառույցների գործողությունների ներդաշնակումը:
Ըստ հաղորդագրության՝ զորավարժությունների անցկացման ընթացքում ստորաբաժանումներն իրականացնելու են նաև մարտական հրաձգությամբ մարտավարական զորավարժություններ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել