Ոստիկանությունը հայտնաբերել է «Հետք»-ի հրապարակած տեսանյութում փայտով բեռնված մեքենան և նրա վարորդին
Օգոստոսի 12-ին «Հետք»-ի լրագրողը Երևան-Սևան մայրուղուն տեսանկարահանել էր փայտով բեռնված ՈւԱԶ մակնիշի ավտոմեքենա:
Այսօր՝ օգոստոսի 13-ին, ոստիկանության լրատվական ծառայությունը հաղորդել է՝ հրապարակված տեսանյութի հիման վրա ձեռնարկված միջոցառումների արդյունքում պարզվել է, որ Դիլիջանի Կալինինի փողոցի 39-ամյա մի բնակիչ հուլիսին Դիլիջանի անտառից ձեռք բերած վառելափայտը օգոստոսի 12-ին իր ՈւԱԶ մակնիշի մեքենայով տեղափոխել է Գավառ և վաճառել տեղի բնակիչներից մեկին:
Փայտանյութը հայտնաբերվել է: Դիլիջանցի 39-ամյա տղամարդը վառելափայտի ձեռքբերման վերաբերյալ որևէ փաստաթուղթ չի ներկայացրել:
Փաստի առթիվ նախապատրաստվում են նյութեր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել