Առողջապահության նախարարությանը վերապահվեց պետական ՓԲԸ-ների կառավարման լիազորություն
Կառավարության որոշմամբ «Վ. Ա. Ֆանարջյանի անվան ուռուցքաբանության ազգային կենտրոն» և «Ճառագայթային բժշկության և այրվածքների գիտական կենտրոն» ՓԲԸ-ների 100 տոկոս պետական սեփականություն հանդիսացող բաժնետոմսերի կառավարման լիազորությունները վերապահվեցին Առողջապահության նախարարությանը:
Առողջապահության նախարարության հաղորդմամբ՝ «Վ. Ա. Ֆանարջյանի անվան ուռուցքաբանության ազգային կենտրոն» և «Ճառագայթային բժշկության և այրվածքների գիտական կենտրոն» ՓԲԸ-ները ընդգրկված էին «Պետական գույքի մասնավորեցման 2017-2020 թվականների ծրագրի մասին» օրենքի ցանկում: Սակայն Ազգային ժողովի հունիսի 19-ի որոշմամբ դրանք հանվել են մասնավորեցման ցանկից։
Հաշվի առնելով այդ հանգամանքը՝ Կառավարությունը այսօր որոշեց ՓԲԸ-ների 100 տոկոս պետական սեփականություն հանդիսացող բաժնետոմսերի կառավարման լիազորությունը հետ վերադարձնել Առողջապահության նախարարությանը։
Լուսանկարում «Ճառագայթային բժշկության և այրվածքների գիտական կենտրոն»-ն է
Մեկնաբանել