«Սպայկա». Վերին Լարսի զննման կետում խախտվում է ջերմաստիճանային ռեժիմը
Հայկական դեղձով բեռնված «Սպայկա» ընկերության բեռնատարները, որոնց նկատմամբ նշանակված է մաքսային զննում, արդեն երրորդ օրն է շարունակում են կանգնած մնալ Վերին Լարսի անցակետում. կուտակումները շարունակվում են:
Ինչպես հայտնում է ընկերությունը, տարածքը, որտեղ բեռնատարները պետք է ենթարկվեն մաքսային զննման, ապահոված չէ գյուղմթերքի պահպանման համար անհրաժեշտ պայմաններով և առաջին հերթին՝ գյուղմթերքի բեռնաթափման, բեռնաբարձման և պահպանման աշխատանքների համար սահմանված ջերմաստիճանային ռեժիմով․ այն խախտվում է։
Դեղձով բեռնված մեքենաները սկզբից անցել են ռենտգենային ստուգում, որի արդյունքները եղել են դրական: Նրանից հետո նշանակել զննում, որի հիմնավորումը չկա: Ինչևիցէ ընկերությունը պատրաստ է կատարել մաքսային մարմնի պահանջը, եթե վերջիններս դեղձի մաքսային զննման ողջ գործընթացը (բեռնաթափումը, տեղափոխումը զննման վայր, բեռնաբարձումը) իրականացնեն անհրաժեշտ ջերմային ռեժիմի պահպանմամբ:
Նշենք, որ այսօր Էկոնոմիկայի նախարարությունից Հետքին հայտնել են, որ բանակցություններ են վարում իրենց գործընկերների հետ՝ հարցը լուծելու համար։
Մեկնաբանել