Կառավարությունը Շրջակա միջավայրի նախարարության ՊՈԱԿ-ների 2018 և 2019 թվականների պետական բյուջեներով հաստատված դրամաշնորհային ծրագրերով հաշվարկված ավելացված արժեքի հարկի, տույժերի ու տուգանքների վճարման նպատակով 457 միլիոն դրամ հատկացրեց։

Շրջակա միջավայրի նախարարության հաղորդմամբ՝  7 ՊՈԱԿ-ների մասով Ֆինանսների նախարարություն ներկայացվող բյուջետային հայտերում այդ ԱԱՀ-ի համար լրացուցիչ գումարներ չեն հաշվարկվել։

Իսկ եթե ՊՈԱԿ-ներին հատկացվող դրամաշնորհների նկատմամբ ԱԱՀ-ի գծով հավելյալ ծախսերը հաշվարկվեին, ըստ նախարարության, կհանգեցնեին բացասական հետևանքների՝ աշխատողների թվի կրճատման, ինչպես նաև խիստ բացասական ազդեցություն կունենար միջազգային խողովակներով ստացվող օժանդակության (դրամաշնորհների) ծավալների վրա։