Կառավարությունը Երևանի պետական համալսարանի 100-ամյա հոբելյանի միջոցառումների ծախսերի փոխհատուցման նպատակով 18 միլիոն դրամ հատկացրեց։ Այն տրամադրվեց «Երևանի պետական համալսարան» հիմնադրամին՝ որպես նվիրաբերություն։

Ինչպես հայտնում է Կրթության, գիտության, մշակույթի և սպորտի նախարարությունը՝ Երևանի պետական համալսարանը հայ ժողովրդի նորագույն պատմության մեջ բացառիկ դեր է խաղացել՝ իր մեծ նպաստը բերելով հայոց պետականաշինությանը, տնտեսության ու մշակույթի զարգացմանը։ Այդ իսկ պատճառով համալսարանի 100-ամյակը պետական ու միջազգային հնչեղությամբ հավուր պատշաճի նշելու համար համալսարանը ներկայացրել է միջոցառումների կազմակերպման նախահաշիվ։ Դրա մի մասը իրականացվելու է ԵՊՀ-ի 2019 թվականի միջոցների հաշվին, իսկ 18 միլիոն դրամը կտրամադրվի պետական բյուջեից։