Երեք հատուկ դպրոց անվանափոխվեց
Կառավարությունն այսօրվա նիստին որոշեց երեք հատուկ դպրոց անվանափոխել։ Մասնավորապես՝ Արթիկի N 1 հատուկ դպրոցն անվանափոխվեց Արթիկի տարածքային մանկավարժահոգեբանական աջակցության կենտրոնի, Աշտարակի թիվ 1 հատուկ դպրոցը՝ Աշտարակի տարածքային մանկավարժահոգեբանական աջակցության կենտրոնի, Գյումրու մտավոր թերզարգացում ունեցող երեխաների հ 3 հատուկ (օժանդակ) դպրոցը՝ Շիրակի տարածքային մանկավարժահոգեբանական աջակցության կենտրոնի։
Ինչպես նշված է Կառավարություն ներկայացված որոշման նախագծում՝ այս կազմակերպությունները տարածքային մակարդակում մանկավարժահոգեբանական աջակցության ծառայություններ մատուցող կազմակերպություն են լինելու և նպատակ ունեն ուսումնական հաստատություններում սովորողների կրթությունը կազմակերպել, կրթության առանձնահատուկ պայմանների կարիք ունեցող երեխաների ներառմանն աջակցել։
Մեկնաբանել