HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Դատարանը հետաձգեց Գագիկ Խաչատրյանի կալանքի միջնորդության քննությունը

ՊԵԿ նախկին նախագահ, Ֆինանսների նախկին նախարար Գագիկ Խաչատրյանի խափանման միջոցը կալանավորումն ընտրելու միջնորդության և նրա ձերբակալման դեմ բողոքի քննությունը քիչ առաջ հետաձգվեց և կշարունակվի վաղը: Այս մասին դատարանի դիմաց գտնվող լրագրողներին ասաց Խաչատրյանի պաշտպան Երեմ Սարգսյանը:

Նշենք, որ գործով դատավորն Արտուշ Գաբրիելյանն է, նիստը մեկնարկել էր ժամը 18:00-ի սահմաններում:

Խաչատրյանի նկատմամբ կալանավորումը որպես խափանման միջոց ընտրելու ԱԱԾ-ի և նրա ձերբակալման դեմ բողոքը քննվում է մեկ վարույթում: Խաչատրյանն այսօր բերվել էր դատարան:

ՊԵԿ նախկին նախագահ, Ֆինանսների նախկին նախարար Խաչատրյանը, հիշեցնենք, մեղադրվում է պաշտոնեական դիրքի չարաշահման և առանձնապես խոշոր չափով վատնում կատարելու մեջ: Ազգային անվտանգության ծառայությունը Խաչատրյանին, ինչպես նաև վերջինիս եղբորորդուն ձերբակալել է օգոստոսի 27-ի երեկոյան: Նույն օրն առավոտից Խաչատրյաններին պատկանող տարածքներում խուզարկություններ են կատարվել: Քրեական գործը վերաբերում է Գագիկ Խաչատրյանի պաշտոնավարման ժամանակաշրջանում կատարված ենթադրյալ հանցագործության դեպքերին:

ԱԱԾ տնօրեն Արթուր Վանեցյանը լրագրողների հետ զրույցում ասել է, որ խոսքը տասնյակ միլիոնավոր դոլարների մասին է:

 

Լուսանկարում՝ դատավոր Արտուշ Գաբրիելյանը

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։