HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Արմավիրի մարզպետն ու փոխմարզպետը՝ զինվորական ծառայությունից ազատվելու մասին

Արմավիրի թե՛ մարզպետը, թե՛ փոխմարզպետը զինվորական ծառայությունից ազատվել են առողջական հիմքով:

Այս մասին «Հետք»-ի գրավոր հարցմանը հայտնել են Արմավիրի մարզպետարանից:

Թե՛ մարզպետ Համբարձում Մաթևոսյանը, թե՛ փոխմարզպետ Կարեն Գրիգորյանը հրաժարվել են զինգրքույկի պատճենի այն էջն ուղարկել, որից երևում է, թե որ հոդվածով են ազատվել զինծառայությունից՝ վկայակոչելով «Անձնական տվյալների պաշտպանության մասին» օրենքը:

Մենք հետաքրքրվել էինք, թե արդյոք Կարեն Գրիգորյանն ու Համբարձում Մաթևոսյանը պատրաստ են կրկին բժշկական փորձաքննության ենթարկվել, վերջիններս դրական պատասխան են տվել:

Համբարձում Մաթևոսյանը Արմավիրի մարզպետ է նշանակվել 2018 թվականի հոկտեմբերի 16-ին, գյումրեցի է, անկուսակցական:

Փոխմարզպետ Կարեն Գրիգորյանն այդ պաշտոնում նշանակվել է 2018 թվականի հունիսի 29-ին, «Քաղաքացիական պայմանագիր» կուսակցության անդամ է:

Հիշեցնենք, որ «Հետքը» պարբերաբար անդրադառնում է պարտադիր զինվորական ծառայությունից ազատված պաշտոնյաներին:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։