Տարածքային կառավարման և ենթակառուցվածքների նախարարությունն առաջարկում է պատվավոր կոչումների շարքում ավելացնել նաև վաստակավոր օդաչուի պատվավոր կոչումը:

Այս նպատակով նախարարությունը «Հայաստանի Հանրապետության պետական պարգևների և պատվավոր կոչումների մասին» օրենքում լրացումներ կատարելու մասին նախագիծ է քննարկման ներկայացրել։

Որպես վաստակավոր օդաչուի պատվավոր կոչման առանձնացում՝ նախարարությունն ընդգծել է թռիչքային կադրերի դաստիարակման, պատրաստման և ուսուցման բարձր ցուցանիշները, երկար տարիների անվթար թռիչքային աշխատանքն ու տնտեսության մեջ ավիացիայի կիրառման ակնառու փորձը։