HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Շիրակի մարզպետն ու փոխմարզպետը՝ զինվորական ծառայությունից ազատվելու մասին

Պարտադիր ժամկետային զինվորական ծառայությունից ազատվել են և՛ Շիրակի մարզպետը, և՛ փոխմարզպետը:

Շիրակի մարզպետ Տիգրան Պետրոսյանը պարտադիր զինվորական ծառայությունից ազատվել է ակադեմիական տարկետման՝ գիտական աստիճան ունենալու հիմքով:

Այս մասին «Հետք»-ի գրավոր հարցմանն ի պատասխան հայտնել են Շիրակի մարզպետարանից:

«Տեղեկացնում եմ, որ 2005 թվականին ազատվել եմ պարտադիր զինվորական ծառայությունից՝ տեխնիկական գիտությունների թեկնածուի գիտական աստիճան ստանալու կապակցությամբ և մինչև 2017թ. դասավանդել եմ ՀԱՊՀ Գյումրու մասնաճյուղում, որտեղից և նպատակային ուղարկվել էի ՀԱՊՀ մագիստրոսական ուսումնական ծրագրի»,- հայտնել է մարզպետ Պետրոսյանը:

Պարտադիր զինվորական ծառայությունից ազատվել է նաև փոխմարզպետ Վարդան Գրիգորյանը:

«Շիրակի մարզպետի տեղակալ Վարդան Գրիգորյանը 2006 թվականին ազատվել է պարտադիր զինվորական ծառայությունից տեսողական խնդիրների պատճառով (հիմք՝ ՀՀ պաշտպանության նախարարի 2006 թվականի N 378 հրամանը, ըստ հիվանդությունների ցանկի 1-ին սյունյակի 85բ հոդվածի): Վարդան Գրիգորյանը պատրաստ է նորից ենթարկվել բժշկական փորձաքննության»,- ասված է մեր հարցման պատասխանում:

«Հետքը» պարբերաբար անդրադառնում է պարտադիր զինվորական ծառայությունից ազատված պաշտոնյաների՝ զինծառայությունից ազատման հիմքերին:

Հիշեցնենք, որ վարչապետ Նիկոլ Փաշինյանի հանձնարարականով ստուգվում են գործող ու նախկին պաշտոնյաների զինծառայությունից ազատման հիմքերի օրինականությունը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։