HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Առաջարկվում է ուժային կառույցների զինվորական կենսաթոշակը նշանակելու գործառույթը վերապահել սոցիալական ապահովության ծառայությանը

Աշխատանքի և սոցիալական հարցերի նախարարությունն առաջարկում է պաշտպանության, արդարադատության, արտակարգ իրավիճակների նախարարությունների, ոստիկանության, ազգային անվտանգության ծառայության զինծառայողների զինվորական կենսաթոշակները նշանակելու գործառույթը վերապահել սոցիալական ապահովության ծառայությանը։ Գործող կարգով կենսաթոշակները նշանակում են այս մարմինները առանձնացված կերպով։

Նման առաջարկություն է նախարարությունը քննարկման ներկայացրել իրավական ակտերի նախագծերի հրապարակման միասնական կայքում։

Աշխատանքի և սոցիալական հարցերի նախարարության հաղորդմամբ՝ այս որոշման հիմք է հանդիսացել վարչապետի աշխատակազմում ապրիլի 5-ին կայացած խորհրդակցությունը։ Դրա արդյունքում հանձնարարվել է քննարկել պաշտպանության նախարարության համակարգի զինծառայողներին և նրանց ընտանիքների անդամներին զինվորական կենսաթոշակ նշանակելու գործառույթը ծառայությանը փոխանցելու հարցը։

Նախատեսվում է, որ սոցիալական ապահովության ծառայության կենսաթոշակ նշանակող ստորաբաժանումը զինվորական կենսաթոշակը կնշանակի զորացրման հրամանի քաղվածքի և զինվորական ծառայության ստաժի մասին համապատասխան մարմնի (որտեղ ծառայել է զինծառայողը) ղեկավարի սահմանած ստորաբաժանման տված տեղեկանքի հիման վրա։ 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։