Կառավարության որոշմամբ՝ Կոտայքի մարզի Ջրվեժ համայնքին 2,01378 հա մակերեսով հողամաս օտարվեց։

Ինչպես գործադիր ներկայացված նախագծում հայտնել է Տարածքային կառավարման և ենթակառուցվածքների նախարարությունը՝ Կառավարությունը 2005 թվականին Ջրվեժ համայնքի գլխավոր հատակագծում կատարել է փոփոխություն։ Դրա արդյունքում որոշվել է 2,01378 հա մակերեսով հողամասի նպատակային նշանակությունը փոփոխել բնակավայրի նշանակության, սակայն փոփոխված այդ տարածքը մնացել է որպես պետական սեփականություն։ Արդյունքում՝ պատմամշակութային արժեք չներկայացնող հողատարածքը սխալմամբ չի փոխանցվել համայնքին:

«Նշված տարածքը համայնքային սեփականություն դառնալուց հետո ակնկալում ենք ունենալ շուրջ 90,5 մլն դրամի մուտք համայնքի բյուջե, որը նախատեսվում է ներդնել նոր կառուցվող մանկապարտեզի շենքի շինարարությանը»,- հայտնել է նախարարությունը։