Մարզահամերգային համալիրում ռեստորան կկառուցվի
Կառավարությունն այսօրվա նիստին որոշեց «Կարեն Դեմիրճյանի անվան մարզահամերգային համալիր»-ի 1-ին հարկից 246 քառ. մետր և 9-րդ հարկից 529 քառ. մետր մակերեսով տարածքներ վարձակալությամբ տրամադրել «Հայր և որդի Երեմյաններ» ընկերությանը, որը այդ տարածքներում կառուցելու է ռեստորանային համալիր։
Ընկերությանն այս տարածքները վարձակալությամբ ստացավ 10 տարի ժամկետով՝ ամսական 3 միլիոն դրամ վարձավճարով։ Վարձավճարի 20 %-ն ուղղվելու է «Կարեն Դեմիրճյանի անվան մարզահամերգային համալիր»-ի բյուջե, իսկ մնացած 80 %՝ պետական բյուջե։
Ընկերությունը պարտավորվել է 6 ամսվա ընթացքում կատարել 356 միլիոն դրամի ներդրում, իսկ մեկ տարվա ընթացքում ստեղծել առնվազն 40 աշխատատեղ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել