Տեսանյութեր
Լուսանկարներ
Հովիկ Աբրահամյանի նախկին օգնականը` գլխավոր հյուպատո՞ս
Արտաքին գործերի նախարարության մեր աղբյուրի փոխանցմամբ, ամենայն հավանականությամբ առաջիկա օրերին Օդեսայում գլխավոր հյուպատոս կնշանակվի ԱԺ նախկին նախագահ Հովիկ Աբրահամյանի օգնական Գեորգի Մուրադյանը: Վերջինս ԱԺ-ից դուրս եկավ, երբ Հովիկ Աբրահամյանը ԱԺ նախագահի պաշտոնից հրաժարական տվեց:
Նշենք, որ հիմք ընդունելով «Դիվանագիտական ծառայության մասին» ՀՀ օրենքը' նախագահ Սերժ Սարգսյանը փետրվարի 13-ին հրամանագիր է ստորագրել Ուկրաինայի Օդեսա քաղաքում ստեղծել ՀՀ գլխավոր հյուպատոսություն:
Գեորգի Մուրադյանը «Հետքի» հետ զրույցում ասաց, թե տեղեկություն չունի, որ գլխավոր հյուպատես է նշանակվելու: «Ճիշտն ասած, ես նման տեղեկություն դեռեւս չունեմ: Ես հեռուստատեսությամբ տեսել եմ, որ հանրապետության նախագահը Օդեսայում հյուպատոսարան բացելու վերաբերյալ հրամանագիր է ստորագրել, բայց այնտեղ իմ անունը չեմ նկատել»,-ավելացրեց Գեորգի Մուրադյանը:
Լուս.`-ը Գ. Մուրադյանի Facebook-ի էջից
Մեկնաբանություններ (1)
Մեկնաբանել