Կառավարությունն այսօրվա նիստին որոշեց 277 միլիոն դրամ հատկացնել ծերության, հաշմանդամության, կերակրողին կորցնելու դեպքում սոցիալական նպաստ ստացողների աջակցությանը։ Գումարը տրամադրվեց Աշխատանքի և սոցիալական հարցերի նախարարությանը։

Նախարարության հաղորդմամբ՝ լրացուցիչ գումարի պահանջը պայմանավորված է շահառուների թվաքանակի աճով։

Մասնավորապես՝ նպաստառուների աջակցության համար 2019 թվականի բյուջեով տարեկան ծախս է սահմանվել 64 418 շահառուի հաշվարկով, սակայն նպաստի իրավունք ձեռք բերած շահառուների քանակը օգոստոսի դրությամբ եղել է 67 163: Այդ վճարները հատկացնելու համար Կառավարությունը տրամադրեց 257 միլիոն դրամ, 19 միլիոն դրամ էլ՝ կենսթոշակների ապահովման համար։