Կառավարությունը Պետական վերահսկողական ծառայությանը (ՊՎԾ) 11,5 միլիոն դրամ  հատկացրեց՝ վարչական սարքավորումներ գնելու համար։

Ինչպես Կառավարությանը հայտնել է ՊՎԾ-ն՝ Անտառային 188 հասցեում գտնվող վարչական շենքից տեղափոխվել են Մաշտոցի 47 հասցեի վարչական համալիր, որի հետևանքով առաջացել են հավելյալ ծախսեր։

Բացի այդ, առկա է հավելյալ գումար պարտադիր վճարների գծով՝ պայմանավորված Մաշտոցի 47 հասցեում գտնվող վարչական համալիրի ավելի մեծ տարածքով, ինչպես նաև վարչական համալիրի նկատմամբ իրավունքների պետական գրանցմամբ։